CES ACTES AUX ECRITURES ANCIENNES DU XVe SIECLE ONT ETE TRANSCRITS PAR UN BENEVOLE PALEOGRAPHE DE L’ASSOCIATION « LE FIL D’ARIANE »

Saichent toutz presents et avenir que En noustre cour de [trente ?] en droit par devant nous personellement estably Noble Homme Jehan de Valloys Seigneur dilz au diocese de Boyeulx ou nous ... de damoyselle Jehanne de Vallee Veufve de feu Guillaume de Vassy en son vivant escuyer Seigneur de La quieze Vicontesse heredital de Fontenay le Marmion et dame de Sarre au pais et duche d Anjou procuration la teneur senssuit 

A touz ceulx qui ces presentes Lettres verront Loys Gaud garde des Seaulx aulx obligations de la Viconte de Saint Silmon et le [tuit ?] Salut Saichent tous presents et avenir que en notre cour par devant Jehan de Prier et Pier Buhot tabellions jures au Siege dudit lieu du [tint ?] personellement deuement establye damoyselle Jehanne de Vallee Veufve de feu Guillaume de la Vassy  en son vivant escuyer Seigneur de la quieze Vicontesse heredital de Fontenay le Marmion et Dame de Sarre au pais et duche danjou toutes celles et ses hoyrs avecque tous et chascunnes

Ses ... ... (illisible) et heritages presentz et avenir quels quilz soient au povoir destroit et Juridiction de notre dite rot quant ad cest faict confesse de son bon gre pure et franche vonllente avoir faict constater estably et ordonne fets de Valloys escuyer Seigneur ditz Jehan Aubert les procureurs generaulx et certains messagers especiaulx et chacun deulx seul et pour le tout en touts et chascuns Ses causes Et par especial de Vendre transporter et aliener Soit par contract de baillee a Rente ou autrement a noble damoyselle Marguerite de Vallee Dame de Soubz le Puy et Montjean de Gennes et des Granges

Sa Seur aisnee La terre Fief et seigneurie de Sarre Sise et Situee audit pais du meme nom comme dict est naguerre a elle Venue et escheue par partage faict entre elle et ladite Marguerite Sa Seur pour la succession de feue dame Jehanne Sarrazin leur mere et tout ainsi que ladite terre se porsuit et comporte en maison terre vigne jardins boys haies prez pastures commes rentes de blez deux poullaitt un vinages ? trois ? ... Juridiction et autres droiz noblesses et ...gatines appendances et deppendances dicelles terre et situe en quelque lieu Fyef et parroisse quelle soit situee et assise et autrement quelles Soient dotees touvees ou appellees

Sans rien en excepter ne reserver desdites choses a la charge den faire les foy ou foys et homages et payer toutes charges et deniers deuz danxienete pour Raison de ladite terre au seigneur ou seigneurs et autres de qui ladite terre est tenu  pour toutes et chacunes dicelles ?

quelsconques et de faire ladite Vendition pour le pris et somme de neuf cens escuz ou avoir telle somme que lesdits procureurs ou chascun deulx adviseront Et Icelle somme recepboir a un chacun ou a plusieurs ?

den bailler quictantce ou quicter valablement Lesquelles quictances ou quictent ladite establye en celuy cas Sen est tenu et tient pour contente et icelluy a du tout de rot ?

pour lors eues pour agreable et aussi de faire et passer faicts eschanages vendus et chacun diceulx au prouffict de ladite Dame de sous le puy achapteresse telle lettres soubz telle cour et Jurisdiction submisses forme et ... de ... telle que ledit procureur et ladite achapteresse adviseront Et lesquelles lettres de vendition ou transport comme ainsi Sur ce fere et fetes et passer ladite estalasse a des a present eut pour agreable Et Icelle en tant que mestier Seroit ... et ... [illisible] Rattifies dedans le ... payement desdits den(iers) de ladite Vendition ou dedans tel annee comme que Sesdits parens ou lun deulx adviseront avec ladite damoyselle Marguerite de Vallee et generalement de faire et besogner autant en choses dessus dites et chascune dicelles lesdites letres circonstances et deppandant comme elle mesme feroit ou faire poroit Si presente en sa propre posession ?

cestoit Sur lobligation et cauction de tous ses biens et ceulx de  Ses hoyrs ? ...

et heritages presents et avenir a prendre Vendre pour execution doffice de Justice sans aucun proces En tesmoignage desquelles choses ces presentes sont scellees des Seaulx dessusdits a la relation desdits tabellions Sans aucunz droit

Ce fut fait et passe le VIJe jour de Janvier l’an de grace mil CCCC quatre vingtz et douze par Messire Jehan Thorel pretre, et Jehan desloges tesmoings ad ce requis ainsi signe

Et de paraillement part Soubmectant ledit de Valloys procureur dessusdit soit avecques les biens de sa procuration pour et avecs quelz quilz soient aux pouvoir Ressort et Jurisdiction de notre dict ...ad cest faict Confesse de son bon gre sans aucun pourforcement Avoir vendu quiccte cede delesse et transporte Et ... ... par devant no_ter par la terre deces presents Vend en la qualite si appres des maintenant et a present et tousiours perpetuel par le partage a noble damoyselle Margarete de Vallee dame de Soubz le Puy et Monjean de Gennes et des granges

Sa Seur aisnee laquelle a achapte pour elle Ses hoyrs et pour les ayans Sa cause La terre Fief domaine noblesse et Seigneurie de Sarre ainsi quelle Se poursuit avec toutes et chascune les appartenances ... et deppendances dicelle Sise et Situees audit pays d’Anjou nagueres a elle escheue et advenue par partage faict entre elle et ladite Marguerite de Vallee sa soeur par le deces Succession et eschoyste ?

de feue dame Jehanne  Sarrazin le ... aveques tous et chascuns les droiz noms Raison et actions quy en peuvent deppendre et tant en Maison cours vignes Jardins boys hayes prez pastre pastures ? ...

comme rente honnestes hommes homages noblesses pour patures et ... a ces Fiefs Jurisdictions et Seigneurie ? Avecques touz les autres droiz appendences et deppendences de ladite Seigneurie sans riens en retenir en quel... lieux fiez cles ?...

que lesdites choses soient Situees ou assises et en quelconque ... quelles soient dites nommees ou appellees sans Riens en excepter ne reserver en aucunne maniere a la charge toutesfois den payer et aquiter en temps avenir par ladite achapteresse Ses hoyrs et pour les ayans Sa cause toutes et chascunes les charges et denommes foy homage et autres ... ... pour raison desdites choses Vendues transportees quictees cedees et delesses definitivement et a present ladite Venderesse  et ladite achapteresse se sens ?

par sondit propourte la saisine et possession ... ... ... le dommaine et la ... desdites choses ainsi vendues comme dict est aveques tous et chascuns les droits noms Raisons actions petitions? demandes et droit davoir d... et de demander que ladite Venderesse povoit et poroit avoir Sans Jamais Riens y advouer Retenir ny demander pour elle ses hoyrs et ayans cause daucun droit commun ou especial pour en faire a touziours ... doresnavant ?  

de ladite achapteresse de ses hoyrs et des aians sa cause hault et bas toute les plaines voullente comme de leur propre chose a eulx acquise par droit heritaige Et est faite cestedte vendition ... transport pour la somme de neuf cens escuz dor et pour la somme de quatre vingts livres tz dont ledit de Valloys comme promet dessusdit a confesse en avoir receu par avant la somme de quatre vingt livres tz En faisant chacune baille ? ...

pour ledit Valloys audit nom de procuration pour ladite venderesse de ladite terre Et aussi confesse avoir receu trois cens livres en cent ducatz a Raison  de trante sept soulz six deniers tz chascune piesse vingt et quatre vieulx Reaulx dor a raison de quarante soulz tz la piesse deux escuz dor a raison de trante cinq soulz la piesse ... vingt escus dor au soullail a raison de trente et six sous tois deniers tz la piesse Item deux ... a raison de soixante et quinze soulz la piesse Item trois escuz dor a la Raison de trante et cinq soulz la piesse Item six escus dor au Soulleil a la ... dessusdite avecques vingt et deux soulz tz en monnoye Item a paye content en notre presence quarente et cinq ... dor quarente et cinq ducatz et vingt et quatre escus dor au soulleil par autre part le tout montant trois cent quarante et cinq escus dor a la couronne et vingt et cinq soulz tz en monnoye payes cestuy pour et ... comme dict est Item et apres cestuy tour + mesmement le deuxiesme jour davril de cestuy an a paye ladite achapteresse audit vendeur son premier ?  en plusieurs especes dor et en monnoye la somme de six cent escuz dor a la couronne de tours ?

lesquelles sommes montans en_semble neuf cens escuz et quatre vingts livres tz ledit de Valloys au nom de ladite damoyselle Jehanne sa mestraisse sest tenu a content et tres biens paye Et en a quicte et quicte ladite achapteresse ses hoyrs et les ayans sa cause a la quelle Vendition et tout ce que dessus est dict tenir garder et loyallement acomplir de poinct en poinct sans jamais venir en contre par applectement ? [suplectement ?]

opposition ne autrement en aucunne maniere Et lesdites choses ainsi vendues et transportees comme dict est Sauver garder garantir deffendre et delivrer de ladite damoyselle Jehanne de Vallee de ses hoyrs et des autres successeurs A ladite damoyselle margarite de de Vallee sa soeur a ses hoyrs et a ses ayans cause delle de tous quelsconques empeschemens ....tations et perturbations envers tous et contre tous ...  touttesfois que mestier Sera Et a les garder sur ce de tous domages Oblige ledit de Valloys especiallement touz et chascuns les biens de sa procuration avecques tous et chascuns ses autres biens meubles Immeubles presents et avenir quelz quilz soient Et davan dans a promis ledit de Valloys faire ratiffier confirmer et a present contract de vendition a ladite damoyselle Jehanne de Vallee et le luy faire avoir agreable par tous poincts et articles dedans le jour de Pasques prochain venant a la peine de six cens escuz dor de peine commise .

Et par cest present contract faisant demeurent tous autres contractz faictz et passez entre lesdits ...ans ... cest faict cassez et anullez et comme non advenuz Sauf le faict ? du partage faict entre lesdites parties ... ... cest faict Lequel partage demeure en sa force et vertu Renoncans lesdites parties chascun en la qualite quil procede a touts et chascunes les choses qui tant de faict de droit que de coustume porroient estre ad cest faict Signes et au droit de faire generalle renonciation en non valloir Et de tout ce que dessus est dict tenir sans jamais venir en contre en aucune maniere Est tenu ledit de Valloys par la foy et serment de son corps Sur ce donne en noustre main Et condempne par le jugement de notre dite cour a sa requeste et du consentement

Ce fut faict et donne es presences de honorables personnes Maistre Robert Saulleau cure daprenont Jehan Brebron guitte le conte charpentier demourant a genes et autres tesmoingz ad ce requis et appellez Le dix huitiesme Jour de janvier Lan de grace Mil CCCC quatre vings et douze